蔡楓華噚日坐的士喺灣仔福臨門外落車，一見到現場大批記者，即時巨星上身，停喺馬路邊不停揮手影相。佢身邊嘅女伴拖住個半個人高嘅大喼，蔡楓華就理都唔理，非常大男人，問佢女伴係女友定女助手？佢即時不以為意咁話：「助手之嘛。」之後助手推喼走，蔡楓華就非常留戀記者嘅鏡頭，一直依依不捨唔想離開，邊行邊揮手。
