名宿「巨無霸」奧尼爾（圖）一向都好識搵錢，所以早前佢為強國一個啤酒商做宣傳大使，仲拍埋廣告㖭。片段中兩位球迷為咗支啤酒而1on1。有位球迷好離奇咁拉開拉鍊變咗奧尼爾，最後梗係「巨無霸」贏啦；不過當佢拎戰利品嘅時候，俾個靚女搶走咗。唔緊要，美女身後面仲有大把啤酒。拍個咁嘅廣告就有大嚿人仔入袋，奧尼爾梗係唔做魔術GM啦！
