英國國手、公牛小前鋒丹治（圖），上周六得到球會准許去打倫奧，英國梗係話好啦！不過咪住，邊有咁大隻蛤乸隨街跳呀？丹治左手韌帶有傷需要做手術，不過因為當時要打季後賽，所以決定休季先做。因為聯盟球員代表國家隊比賽，該國係需要為球員買保險嘅；有傷在身嘅丹治保費要成47萬美元（約365萬港元），但係英國籃協話為咗丹治，拉下補上都要畀。