79歲的郭少芳，一生未離開過大澳，跟丈夫鄭國志胼手胝足做蝦醬50多年，鄭祥興蝦醬稍有名堂，丈夫卻已離她而去。「我哋要捱大6個仔女，邊有假放！係30幾年前去過一次北京」。她的丈夫兩年前過身，舖內放滿生前照片。「呢張相係佢最後一張相，朋友曬返畀我哋，上次中央台記者嚟訪問我，見我揸住張相，仲專登買咗個相架送俾我」。
「聞慣咗啲蝦醬味」
郭少芳跟丈夫是「好賭」之人，十多歲兩人在大澳海邊小屋賭錢邂逅，二十歲嫁進鄭家，從此未離開過蝦醬味。「除左二仔，其他仔女搬晒去港島住，佢地叫我搬出去，我話聞慣咗啲蝦醬味，聞唔到會掛心」。她說跟丈夫吵架的時間最多。「鬼咁熱，人都啲，乜都吵一餐！」說的時候，眼裏露出的是一絲絲甜蜜。
丈夫數年前腎衰竭，但不肯告訴她病情，直至10年3月，在義工慶功宴上跌倒昏迷，「醫生救咗40分鐘，問我仲救唔救，我忍住眼淚話唔使啦」。郭少芳說，因為「怕啲仔女擔心，我咬實牙筋，眼淚流到肚裏」。但每次回到家，聞到熟悉的蝦醬味，身邊人卻已遠離。《蘋果》記者