僱員再培訓局05年起推出陪月員訓練課程，本年度將增加有關新任父母的情緒輔導內容，並推出「陪月員進階單元証書」課程，加強現職陪月員照顧雙胞胎及早產嬰兒的能力。有聘用陪月員的太太指陪月員照顧嬰兒技巧要專業外，愛心尤其重要，「最緊要係真心緊張BB」。
陪月員：好有滿足感
再培訓局行政總監吳定光表示，新証書課程包括母乳餵哺及嬰兒特殊照顧內容，也有嬰兒常見疾病等知識及相關技能，希望提升陪月員專業水平，「咁陪月員可以唔止做一、兩個月，之後仲可以負責埋長期湊BB嘅工作」。
李太早前聘用了剛從再培訓局畢業的黃姑娘，聘用之前與黃姑娘會面，發覺她陪月經驗雖淺，但極有愛心，「上任後佢做得好好，我個B皮膚敏感，佢好緊張諗方法特別照顧，總之佢一嚟到我可以放心瞓覺，佢連產後瘦身都教埋，收工後夜晚仲會畀電話我跟進聽日有乜要做要買」。黃姑娘稱，本身雖有數名子女，但替他人照顧嬰兒有點不同，「實戰經驗可以慢慢累積，但守時、誠實、有愛心係基本，幫到李太個BB改善皮膚敏感，又令BB嘔奶冇初時咁密，好有滿足感」。 《蘋果》記者