孫耀威前晚在北角一間中學參加佈道會分享，自爆年少時做過好多輕狂行為，他說：「以前曳過，講粗口，又試過飲醉酒揸車超速開到200幾公里，真係唔識死。」感情方面雖未試過一腳踏兩船，但卻在分手後四圍識女仔，他說：「未試過一夜情，但分咗手急住搵水泡，但信基督後改變咗，家學懂謙虛。」
拍拖前諗清楚
現任女友陳美詩是否最幸福？孫耀威笑說：「都係，好多磨擦最後變成好事，勸大家唔好一識就拍拖，要考慮清楚，如果唔係過咗蜜月期會有好多磨擦。」對於朱茵未婚懷孕，孫耀威否認基督徒做藝人壓力大，他說：「我哋唔係聖人，犯錯唔係要鬧或插死佢，應用愛去教育佢。」採訪、攝影：李珮洳