有意全面從政嘅袁彌明，噚日同慢必（陳志全）喺旺角發起「一人一咭」行動，促政府盡快發放免費電視牌，袁彌明仲以受害人身份話：「無綫一台獨大，拍埋啲垃圾節目畀觀眾睇，作為藝員人工又低又成日被迫簽約，如果有多幾間免費台，藝人就唔使俾佢逼埋牆角。」袁彌明又話稍後會舉行一個發牌論壇，會請王維基同無綫嘅受害藝人出席。