徐淑敏（Suki）昨日以一身紅衣打扮，到鑽石山出席「日清滋味滿FUN嘉年華」，抱恙在身的她更於台上獻唱《星夢情真》，幸好未有因病而影響演出。Suki表示病菌是被兩個囡囡傳染的：「係個細女發燒先，之後傳埋畀個大女，大女每次病都特別嗲，係咁攬住我，結果我今朝起身就覺得成身軟晒同發燒。」
Suki表示由於近日有種致命病菌的病徵跟感冒相近，所以她即刻帶囡囡睇醫生，她又指現時全家只有老公未被傳染。下周出發到法國學調配香水的Suki，將於當地逗留兩星期：「之後返嚟會開始搵美容店嘅鋪位，家定咗十月喺中環開。」Suki指時間有點急，但已搵了設計師幫手。
採訪：譚倩宜
攝影：陳志嵐