《Interview訪問》
上周二至周五，大市欲彈無力，但洗倉股卻每日一隻，寶姿（589）、上藥（2607）、人和（1387）及雷士（2222）都受企業管治醜聞及外界質疑，股價單日暴瀉兩成以上。霎時間，散戶買股心灰意冷，反而開始刨書做功課，或網上搵料睇人踢爆。香港人愛賺快錢，股票研究、圖表分析是主流，最近一本有關港股財技密碼財經書，用財技去分析上市公司，相對較少見，亦成為討論區談論對象。作者梁杰文，是名80後，任職經紀及分析員，記者忍不住問，「你工作不久，為何書中內容像是知道很多內幕財技？」
「必勝出咗街就必輸」
「周顯（股評人）給了我很多幫助。」他承認，當然這不是全部，「市場上識法律的未必識股票，識股票未必識法律。我兩面都有涉獵的話，就可以好輕易寫些兩面都冇諗過或忽略嘅嘢」。他強調，所有資料都是從公開資料中得到，冇秘密。
他舉例指，歐洲股神買民企，都是讀年報，但他可能忽略香港市場的特性。例如香港市場特別愛配股供股，經常折讓供股，中國則「完全唔得，因為（官方）唔畀」。具體一點，他會睇股票有何特質，梁氏不諱言：「大股東佔上市股權最大的公司，相信最安全，因為大股東不會做些不利小股東的行為」。相反，若大股東只佔股權少數，他們便有機會用公司錢去吃喝玩樂出花紅。他認為，他的一套命中率約七至八成，但要有耐性，用閒錢炒，不理外圍走勢，按年計會跑贏市場，現時留意盈大地產（432），因有大股東，賬面值有大折讓，但正如所有法律條文一樣，免責條款是少不了，「冇一個方法長線獲利，通常必勝嗰啲出咗街就必輸」。
「湯財分析冇效率」
除DavidWebb經常質疑上市公司財務報表外，湯財亦是其中一個較受歡迎網站。網上傳聞很多，其中一個是梁氏新書與湯財的文章很似，梁反駁指，「佢資料好好，但太詳盡，好多人未必花心機去睇咁多嘢，可能最後結論同我差唔多」，言則指湯財的分析冇效率，「係」，他同意，但否認抄襲，是否相似則由讀者定論。訪問後，為梁氏寫序的周顯加把嘴說，「覺得似只因為睇得少，分析垃圾股票只有一種方法，無辦法唔似，係見識少問題」。或許，股市沒有長勝秘方，但對於網上言論，則有永恒定律：勿認真。
記者：高明輝
梁杰文簡介
著作：香港股票財技密碼
現職：宏高證券經紀及分析員
學歷：
．香港大學工商管理及法律雙學士
．特許財務分析師（CFA）
其他：Mensa會員（只取錄IQ147以上人士）