卓韻芝與法籍男友、孫耀威和薛凱琪等，前晚在中環出席「BelvedereBEATPartySeries」開幕派對。卓韻芝與擔任模特兒的法籍男友一齊接受訪問，二人煙韌攬腰，但阿芝否認他是男友，笑言想睇劉定成的私影珍藏，她說：「閃卡方面我實唔夠佢多，最衰唔能夠公諸同好。」
最近不少男星涉影裸照，孫耀威自傲天生巨胸，但泛人問津。
孫耀威想減胸
孫耀威笑說：「可能我太純潔嘞，我遲啲影唱片封套，但天生肌肉型想減胸，費事影出嚟太性感。」
另外，薛凱琪透露為個唱推掉拍戲和拍劇機會，損失不少，她說：「我覺得拍完《分手說愛你》已經係電影上嘅代表作，所以同公司講要為歌迷做番啲嘢，寧願呢半年賺少啲。」
採訪、攝影：譚倩宜