下星期六，英格蘭會喺溫布萊友賽比利時，當局會試行「鷹眼」門線技術，用電子科技嚟決定個波過白界未。不過，呢次只係測試，「鷹眼」唔會影響球證判決。另外，喺呢場比賽賽前，歐洲足協會頒獎畀碧咸、卜比查爾頓同施路頓，以表揚佢哋為國家隊上陣超過100次，其中施路頓上陣125次，係英格蘭獲得喼帽最多嘅球員。