今屆西班牙盃決賽喺馬體會嘅卡達朗球場舉行，呢個球場可以容納54,851名球迷，西班牙足總各分配20,000張門票畀巴塞同畢爾包。不過，當局估計有超過5萬名巴塞同畢爾包球迷嚟到馬德里，換言之，至少有一萬名球迷冇飛入場睇波。馬體會方面都早有準備，到時會喺場外架起大銀幕，畀冇飛嘅球迷睇直播。