如果波蘭喺歐國盃要射12碼，話唔定會搵門將施捷斯尼操刀！因為佢原來射術都唔錯。網上流傳一段施捷斯尼操練嘅片段（圖），見佢唔係守龍，而係走去左輔位助跑射波，仲施展埋C朗成日用嘅鉸剪腳，左腳繞右腳射門；結果個波中遠柱柱角入網，唔理佢係「符碌」定有心，總之就入得好靚。之後，佢仲好得戚咁周圍望，睇吓有冇人望佢㖭！
