袁詠儀（靚靚）、徐少強兒子徐偉棟、模Naomi及白雲等昨日在西九龍出席電影《愛情達人》開鏡，昨日天氣酷熱，穿上長袖衫的靚靚被現場性感的模搶鏡。
Naomi示威
靚靚表示戲中與模有對手戲，並說：「我都唔夠嚟，佢哋好勁、好直接，喺打扮、行為同言談都嚇我一跳，有時要同佢哋條裙鬥短。」問靚靚會否鬥身材？她即寸模整容：「呢樣冇得鬥，家興整容，睇佢哋個個差唔多樣。」靚靚表示戲中演女強人，但對老公猜疑，她稱現實中與老公互相信任。
與李思捷傳緋聞的Naomi坦言現時算是有男友，問她是否李思捷？她卻說：「秘密，我哋係發展中好朋友。」問她是否踢走思捷女友春卷，會否怕做第三者？她即寸嘴說：「吓，我唔識佢，佢哋有一齊過咩？」她又說不覺男方花心。
採訪、攝影：溫敏芝