以往最鍾意食嘅容祖兒，噚日接受商台訪問時就自爆近日成日冇胃口食嘢，好似失去咗食嘢嘅樂趣，祖兒話：「可能平時食無定時，加上唔係喺車上食，就喺髮型屋食，好似冇試過正經坐喺餐廳食飯咁。」祖兒有份主演嘅電影《DIVA》嚟緊8月會上映，仲會到內地宣傳，佢話希望杜汶澤到時個怪病會好番，同佢一齊去宣傳。