喺周二對溜馬被罰暴力犯規嘅一對熱火前鋒凱斯林（圖右）同柏文，周三俾聯盟追加判罰；凱斯林停1場，唔打得今晨嘅第6戰。而柏文更要停賽3場，即係今個系列賽都唔打得，若果熱火入到東岸決賽，佢都至少要停多1場。柏文呢啲大後備停3場冇乜大影響，冇凱斯林就慘啦，已經有保殊傷出嘅熱火內線，都真係幾空虛。