北角新光戲院重新裝修之後，蓋鳴暉大前晚喺改咗名嘅新光戲院大劇場做大戲，演出由李居明特別為佢編寫嘅新劇目《俏孔明》，演出好順利，蓋鳴暉大讚重生嘅新光，佢話：「新場地所有設施比以前更加好。」問到佢想唔想喺新光做粵劇以外嘅演出，蓋鳴暉話：「我之前同古天農、高志森傾，諗過想將粵劇曲目改編成舞台劇演出。」