決賽前，巴塞嘅氣氛都好輕鬆，冇咩特別加操，上星期六仲全隊放假唞番日。對於美斯，教練哥迪奧拿唔單止額外畀兩日假，仲特別准佢揸遊艇出海玩。以往哥帥都唔准球員喺重要比賽前玩啲危險嘢，包括揸船、賽車同跳降傘咁。今次突然格外開恩，唔知係哥帥臨別前手鬆，定係佢覺得對畢爾包算唔上重要比賽呢？