熊黛林早前訴苦被責太高調，她昨日出席便裝活動，指對不好的新聞已看淡，更不會上心為難自己，她又以男人如衣服作暗示，指自己只要愛上，就不管是爛、脫色，一樣不變心，向城城表白專一及癡情。
熊黛林和郭富城的戀事婚事多磨，一時傳出兩人將在外埠密婚，一時又指雙方的經理人不滿，城城更干預熊黛林接工作，只准她接高檔名牌，熊黛林早前出席活動時便委屈呼寃。
「過咗去就算」
昨日熊黛林在尖沙嘴宣傳流行便服品牌，穿上輕便牛仔裙的她，示範環保服裝概念。對於之前不利她的新聞，她表示心情已經平復：「不嬲都好，過咗去就算，嗰一刻知道（指被責難高調），有幾個鐘頭唔開心。」她又嘆氣說：「咁多年，唔好嘅嘢都寫咗咁多，無謂再為難自己要去唔開心。」
問到城城有否安慰及送禮？熊黛林指城城忙於拍片，至於有指城城只准接名牌，她即說：「我次次出活動都係大牌子，好多都係好多人識嘅，有啲自己都有用，冇乜唔係大牌子。」
慢熱難撻着
熊黛林透露近期正忙拍新片《男人如衣服》，未有時間看城城的新片《浮城》，問可認同男人如衣服，她就暗示自己用情專一：「我鍾意啲好着嘅衫，就算甩咗色、爛咗，啱我嘅我都會買番同樣嘅。」她又指城城是名牌。新片中她將和林峯、鄭中基等合作，與林峯有否過電？她說：「戲入面一定有，戲外就唔會，因為我係慢熱嘅人，拍完都未開始，要好耐先有feel。」
採訪、攝影：林嘉慈
