畢爾包近日嘅備戰非常認真，教練比爾沙仲制定咗個為期4日嘅閉門特訓，唔畀傳媒採訪。西班牙《馬卡報》透露，比爾沙諗住同巴塞打拉布戰，仲已經揀咗5個人負責射12碼，當中包括隊長伊拉奧拿、前鋒洛蘭迪、中場大衛盧比斯、後衞查維馬天尼斯同埋米基聖荷西；新星蒙尼恩就冇份。如果場決賽真係要踢到互射12碼，大家就知道《馬卡報》有冇吹水！