英格蘭對法國嘅分組賽，會喺烏克蘭頓內次礦工球場（圖）舉行。如球迷想了解呢個球場，可留意Discovery頻道（有線53或now209台）。佢哋會喺27號晚播出特備節目《歐洲盃足賽大建設》，帶大家深入主辦國波蘭同烏克蘭各個舉辦歐國盃嘅球場。唔講唔知，波蘭嘅華沙國家體育館係國內最大嘅球場，但原來係起喺雙層停車場上面，所以建築師花咗好多心思。