繼禾確特之後，阿歷士張伯倫（左）表明唔會叫屋企人去烏克蘭睇波，因為擔心俾人種族歧視。英國外交部早前出咗份睇波指引，提醒亞、非裔嘅國民去到當地睇波要特別小心，所以禾確特同張伯倫嘅家人決定唔去撐場。不過小張老竇麥克都留條後路，話如果佢個仔踢得好，英格蘭又不斷晉級，唔排除之後會去捧場。