狄波拉（拉姑）前晚到將軍澳電視廣播城錄影《飲食天王頒獎典禮2012》，近年愛兒謝霆鋒迷上下廚炮製美食給親友品嚐，其友人更不時上載美食照片到微博公諸同好。
廚藝精湛
前晚拉姑代友人上台領獎時，暗示霆鋒有意進軍飲食業，她說：「間餐廳唔係我，係我朋友，間餐廳係嘉玲姐姐好鍾意去，我穿針引線引入嚟投資。啲人覺得我嚟好奇怪，問阿仔係唔係有意進軍飲食業，我要賣個關子，佢咁鍾意煮嘢食，呢個idea幾好，我又可以食。」
其實霆鋒經常為好友下廚，食客之一的徐濠縈常把霆鋒的作品和整個餐單都放上微博，包括焗牛扒、香草羊架、意大利粉和心太軟等，主菜和甜品都整得有板有眼賣相精緻，好友食到舔舔脷，拉姑都大讚霆鋒廚藝了得。
採訪：楊潔雯