事業型孕婦，陀BB都一樣想靚住見同事，除咗落力Keep住肥肚不肥身外，亦想有靚靚秀髮；家嘅染髮用品已經進步到無臭味，而且好天然，市面上還有些造型用品為有機產品，令你同BB都可以靚得健康！
記者：張文蕙
攝影：黃子偉、周旭文、楊錦文
Model：Irina、Shadow@PureModels
外層Highlight有睇頭
ILCOLPO電染總監MichaelHo表示，佢太太已為兩個孩子之母親，但陀BB時同樣會染髮：「問過醫生意見，佢話除咗頭三個月外，只要胎兒穩定了，染髮其實無問題！」
記得以前十幾歲染髮，過程臭到攻鼻兼刺眼，據知一般永久性染髮劑都較傷頭髮，因為化學成份高，但ILCOLPO使用了ColouringEmulsion，據稱是現時市面唯一沒有化學作用的永久性染髮劑，據稱不含過氧化物及金屬染料，孕媽可安心使用；由於佢亦唔含阿摩尼亞，所以味道可以做到好清新。
不過相對顏色選擇會比較少，只有啡色系，使用前應先用Pre-ColouringShampoo洗兩次頭：「如果想多少少嘢睇，頭髮外層還可做Highlight，但用漂粉時小心不要接觸頭皮，因漂粉會有一定的化學成份，然後可用上ColourReflectingHairConditioner，佢以麥蛋白為主，仲有抗氧化作用，孕媽做絕對無問題。」搵來靚女Shadow作測試，不消20分鐘便完成，而且上色全程都係瞓喺度，好舒適。
造型髮品都有機
油麻地GreenTouchSalon，是香港首間堅持不用有害化學洗髮及染髮劑的髮型屋！負責人KelvinLin表示，佢哋大膽從美國引入有機護髮品SimplyOrganic，打造溫和健康的有機護髮；佢眼見小記一頭紫髮，就打了個比喻：「用充滿化學成份染髮劑？一支成本可能十元八塊，但收你成千銀；我這裏引入的美國牌子，成本近二百蚊一支，我收七百，你話我無賺咩？唔會！但至少對得住啲客。我有個客跟咗我十幾年，佢之前個個月染髮，搞到頭髮霉霉爛爛，跟咗我之後，我想盡方法令佢靚得嚟髮質健康，現在佢啲頭髮比我還靚！」
做這個題目打正旗號說是「孕婦染髮」，不少掛羊頭賣狗肉的所謂「天然」染髮用品公司即耍手擰頭，唔敢訪問、話唔想冒險，但Kelvin卻絕無扭擰：「我好多客都大住個肚嚟整頭髮，頭三個月的我會不做，穩定後的孕婦我會視佢頭髮毛囊而定，若因荷爾蒙而油脂分泌太多，塞住了毛囊，或毛囊太細，為了不想影響她的脫髮問題惡化，都不會替她們做。正常情況下，這裏的染髮產品孕婦都能用，我哋都有紫、紅這些色調選擇，但用於黑髮不太明顯，多數外國人或白髮用家能『健康使用』，黑髮人由於要先漂，孕媽盡可能別碰化學物。」
最令小記驚訝，竟然連造型用品也有天然有機產品：「這個品牌的定型用品會以植物膠質製作，而且味道清香，孕媽用不會咁易聞到想嘔。」此外Kelvin提醒，市面上說是有機的很多都沒認證書，所以大家用之前要問清楚。
餵母乳 防產後脫髮
史雲遜女士護髮中心指，懷孕初期，孕婦的OestrogneicHormone水平會增加，因而導致頭髮生長周期變得「超乎正常」（只有5%的正常頭髮脫落），所以頭髮變得更濃密、眼眉毛及眼睫毛亦會增加。但當嬰兒出生後，荷爾蒙水平「回復正常」，這些超越正常壽命的頭髮會進入休眠狀態，及後會開始脫落，情況一般會在嬰兒出生三個月後發生，嚴重者會造成大量脫髮！
不過對於用母乳餵哺的母親，她們的脫髮情況會有所不同，因為母乳可以產生一種「激乳素」的荷爾蒙，有助延遲脫髮出現。O2高壓純氧活細胞導入療程，除能應付嚴重頭屑、清除堵塞毛囊油垢及化學積聚物外，對孕後媽媽，亦有加快增生作用。
a.j.f.lazartigueTreatmentCentre：39703371
b.Moroccanoil：37966223
c.GreenTouchSalon：28773068
d.Lush：29676898
e.nest：31628638
f.史雲遜女士護髮中心：22486320