娛樂圈搵食艱難，優雅賢淑嘅應屆中國小姐冠軍曾淑雅（Jumbo）都要轉型行性感，躋身模行列，仲會跟同公司嘅MI55女子組合成員羅彩玲（Vivian）對撼，一齊喺今年書展出寫真。
搶閘色誘粉絲
Jumbo同Vivian喺寫真大戰前，先進行前哨戰熱身，經理人公司前幾日，幫兩人拍咗段熱身片放上YouTube，搶閘色誘粉絲。兩人着晒短褲小背心鬥做掌上壓，33C嘅Jumbo胸戰32C嘅Vivian，Jumbo烏低身即胸湧倒奶，勁有睇頭，雖然細細粒CCup嘅Vivian都唔輸蝕，但第一回合始終係Jumbo先勝一仗。
Jumbo喺選美前，亦係MI55女子組合成員之一，同Vivian係舊拍擋，兩人同屬向華強、向華勝嘅侄仔向展邦、向展威搞嘅M.SPY經理人公司。
Jumbo喺片段大賣性感，佢話唔驚破壞中國小姐形象，仲話：「片段冇嘢呀，我哋做運動之嘛。」講到本寫真，佢就話會性感得嚟有美感。