英格蘭國腳後衞艾殊利高爾（A高）場上表現強悍，但內心其實好寂寞！自從同前妻離婚後，艾殊利高爾獨自住喺大宅入面，每日返屋企都係對住四面牆，所以佢叫司機都搬埋入嚟住，等佢有個伴。另外，佢細佬同埋前車路士隊友米高活士都會得閒上去瞓幾晚，等間屋多啲人氣。佢朋友慨嘆：「間屋有成5間睡房吉喺度，艾殊利最唔想返到屋企嗰陣咩人都冇，而每朝起身行出房，又係得自己一個。」