今季NBA出咗唔少後衞新秀，而當中最出色梗係今季最佳新人、騎士控衞K艾榮（圖）啦。聯盟亦喺周二公佈咗今年新秀1、2隊陣容，K艾榮梗係滿分入選啦。至於今年登陸NBA，以出神入化嘅傳波令木狼比賽更具娛樂性嘅西班牙金童盧比奧，亦以高分入選1隊。睇番1隊共7個入選者，前鋒位只有馬刺尼納特同金塊法尼特，而後衞就有5個之多。