男人對住女人，只懂做一件事，就係「將佢搞濕！」，睇AV而認識女性的那班男人，看着神鷹以一指之力，就可以令女優們如決堤般洶湧，他們滿以為只要肯努力苦練彈指神功，終有一天會從女性的濕潤陰道，得到前所未有的滿足感：「係因為我，妳至可以搞到咁濕！」但偏偏到實戰時，神功用盡，手指都抽筋，但對方仍像置身沙漠，就算你再努力，對方還是把你推開：「唔使！我無MOOD呀！」男人苦苦追問為何，對方終於恨心地道出真相：「你當我提款機？搵隻手指係咁篤就有『水』會出……」男人追問：「咁我應該可以點至會令妳濕？」對方一臉懊惱：「我唔知呀！總之一定唔係咁啦！」
人總會走到某個階段，就會覺得從前所學是錯的！男人決定重新認識女人，把「將佢搞濕」的重任暫放下，試試從其他方面着手，發現原來欣賞女人的好處，包容她們的缺點，細心的呵護，再送上甜言蜜語，女人就會呈現一種名為「愛上你」的反應，男人甚麼都不用做，對方都已經會「好濕」！然後你問對方：「做乜咁快就咁濕？」對方垂着頭靦腆地回應：「我點知喎！問你自己啦！」那刻男人得到前所未有過的「滿足感」，亦領悟到：「女人就像提款機，亂篤無用，要㩒中密碼至會有『水』出，而個密碼就係嗰六個字『只要對佢好啲』。」
自此男人靠這「密碼」，搞濕無數女子，然後男人發現，當女人一旦被搞濕就不能再停，男人要不間斷「對佢好」，然後男人會感吃力而停止再㩒「密碼」，但最終女人依然會被搞濕，但濕的地方卻是她的「雙眼」。
不過就算明知最後會傷心落淚，但有男人對妳好，女人仍是願意被「搞濕」的！
作者Profile
編劇、導演兼電台節目主持，認為「愛情」是沒有工作時的玩意，「工作」是沒有愛情時的必需。
作者：鄒凱光
逢星期三刊出