G.E.M.(鄧紫棋)為體驗外傭生涯,母親節當日為其秘撈tour做了一日印傭,早上到印傭聚腳地的維園搵「同鄉」,傍晚則返回僱主家做家務,照片在網上發放後,得到熱烈點擊。
三小時完工
睇完G.E.M.的蝦碌做家務相片後,昨日終於看到她認真做家務的照片,G.E.M.戴上手套,不嫌污糟落力省掉座廁的污漬,她又棄用地拖,選用地布抹地,她表示:「初時以為做家務好容易,眼見工夫唔使用腦,開頭頻頻蝦碌,但做落之後,每做一項工夫,都會諗吓,計劃吓由邊度入手,點樣會有效率。」結果她只花了三個鐘頭,完成洗廁所、抹地、換床單及清潔廚房,她說:「做家務,真係唔簡單。」
採訪:葉雪