一直沒有單一大股東的佐丹奴（709），16年來被狙擊的傳聞多得如恒河沙數。劉國權曾透露，有7間公司認真向佐丹奴提出全購，最後都無功而回。想不到最後卻由彤叔在場內密吸的策略，完成入主佐丹奴的「大業」。
接近佐丹奴消息人士表示，市傳彤叔入股佐丹奴，是考慮到未來或會「分身家」：「佢咁多子子孫孫，將來退下來，其他人都要有啲嘢搞吓。一開始應該未決定收唔收番佐丹奴，定係善價而沽。但現時睇落，似乎係想收番多啲。」
彤叔愛孫鄭志剛，一直被視為家族業務第三代熱門接班人。鄭志剛曾多次親自主理集團的零售項目，如新世界百貨形象革新；新世界旗下K11藝術概念商場；最新重頭戲是為周大福搞高檔拍賣會，推廣超豪華珠寶。