肌佬裸照案近日全城哄動，有指98年由楊凡執導、吳彥祖和馮德倫主演的電影《美少年之戀》，有說是以涉案富商劉定成真人真事作藍本，但劉定成卻嫌扮演自己的JoeJunior又老又禿頭，Joe昨日無奈說：「我都係搵食啫。」又坦言與同性拍親熱戲令他怕怕。
涉嫌非禮及用裸照恐嚇男藝人的62歲同志富商劉定成，95年曾捲入「警鴨案」，當年警方調查一宗警鴨案時在劉定成寓所搜出大批紀律部隊人員艷照，有指3年後導演楊凡將劉定成的真人真事拍成電影《美少年之戀》。
片中JoeJunior扮演劉定成，英文名Gucci（剛巧近日有指劉曾送贈數萬元Gucci名牌手袋給案中事主），吳彥祖飾演同志警務人員，馮德倫則演吳之戀人，但吳身邊同時有一伴侶尹子維，吳為滿足尹子維的物質慾望，甘願為最愛拍紀律部隊人員艷照的富商Joe拍照。
《美》片中，Joe最愛拍攝紀律部隊人員肉照，他與吳彥祖更有不少親熱鏡頭，包括撫摸吳彥祖胸膛及錫他身體等。日前劉定成接受訪問，承認當年楊凡透過導演劉國昌介紹跟他認識，《美》片乃是以他真人真事拍成，當年他曾要求由江華扮自己，但最終電影選了Joe，劉定成日前直指Joe又老又禿頭，與自己一點也不相似。
「鍾意女多過男」
對於當年曾扮演劉定成，已婚的Joe昨在電話說：「呢啲要問番導演同出品人，我唔知，佢哋畀乜我拍我咪拍囉。」提到被劉定成嫌棄，Joe無奈說：「我唔知，我都係搵食啫，有人搵我拍我咪拍囉，我都係照劇本講，照劇本做。」對劉定成案件，Joe也有留意，但就不評論。問可覺自己當年角色跟劉之案件相似，Joe說：「冇諗過，直情唔記得咗，部戲有馮嘉倫（實為馮德倫）同廖乜嘢祖（實為吳彥祖），我同佢做過對手戲，係記得咁多。」
當日是否有跟吳彥祖錫錫？Joe堅決否認說：「冇錫到！只係『哄』吓摸吓啫。」跟同性拍親熱戲是否尷尬？他說：「直情尷尬啦，不過都係摸吓身體啫，冇乜特別，冇三級，我好怕㗎，我鍾意女仔多過男仔。」採訪：林妃