亞視藝員蔡國威（圖）爸爸蔡熾森早前因肝病病逝，終年62歲，噚日喺紅磡福澤殯儀館設靈。威仔話爸爸3月時發現有肝癌，因腫瘤太大做唔到手術，好快佢就住院兼昏迷，遺憾最後嗰段時間未能同爸爸傾偈，威仔話最記得細個嗰陣，阿爸好鍾意叫佢買啤酒、水泡餅同煙仔餅，所以靈堂會放呢啲佢鍾意嘅食物以表心意。