政治潮語爆倉，全新絕密解讀「返來就郁啦！」：
就郁那個郁，是黃毓民的簡稱。曾鈺成助毓民郁建制派，但遭黃中指這個「老實人」搞寸party。曾主席下次要郁的，是那根唔聽使的中指！郁唔到中指，就郁佢食指！
時近凌晨四點，成班議員進入疲勞狀態，暗中召喚周公夢蝶去，還能夠點郁？有理由相信，曾鈺成不是說郁，「飯來走肉」，落定order，幫絕食中的劉健儀叫外賣，走油走肉。
全班議員捱通宵，個個背負中風高危，主席當然有責任晨早morningcall，郁，是指做早操！晨操，自然郁手郁腳，黃中指自以為好醒，先郁中指，鑄成剪爛布大錯！
凌晨四點，呢度我主場！門常開忽然MK，曾鈺成過大佬癮，漏口風下令郁人！主席係大佬，跟特首係共產黨一樣，只有佢郁你，冇你郁佢，爽！
返來就郁，郁完，還是唔聽使，可以預期，下次的密語，是「返來就劈！」郁人劈友冚家鏟三部曲，梁特首可以放心，曾主席任內必定done好這份job。