被視為今季聯賽奪標大熱嘅日聯勁旅名古屋鯨魚，上輪聯賽竟然作客慘吞仙台維加泰4隻光蛋，搞到鯨魚班粉絲鬼咁㷫，賽後更加有數十名鯨魚球迷，聚集喺馬路中間阻止鯨魚隊巴離開，以宣洩佢哋對球隊嘅不滿（圖）。嘩，估唔到日本嘅球迷行為都會咁激進，仲以為呢啲情況喺英超或者意甲同西甲先會見得到。