由造鞋學徒做到老闆的伍松富說，當年訂造的鞋，均以人手製作；但現時則會由店員先替客人畫好腳形紙樣，再交由內地廠商製作。
七十年代一對手造鞋賣百餘元，伍老闆自己也落手落腳造鞋。全盛時期琦琦鞋店有六間分店，其中三間在黃泥涌道，現只餘下總店。
隨着市場改變，店內也提供不少平價鞋款供選擇，款式參考歐洲及日本。不過最好賣的，仍是自家設計的晚裝鞋，「出面好少晚裝鞋賣，所以好多人嚟買，大概600至900蚊一對，係我嘅招牌」。
不過，現已不再是人手製造，「年紀大咗自己做唔到鞋啦，後生一輩又冇興趣」。客人可選擇款式及皮料，如羊皮及牛皮，一對真皮訂造鞋約港幣600至800元，一至兩星期便可交貨。相距約數十步程的銅鑼灣區，已被各大品牌攻佔。伍老闆卻說：「大品牌有佢哋嘅地位，我哋有我哋嘅環境，我嘅鞋又平又舒服，一着落去就唔同感覺」。
《蘋果》記者