【本報訊】跑馬地黃泥涌道「鞋街」，昔日是達官貴人、遊客熱愛的造鞋熱點；歲月流轉，鞋店不敵地產黨，到今年，鞋街只剩下一間鄧蓮如、陳方安生等名人曾光顧的老鞋舖，被一眾地產舖包圍，「鞋街」變成「地產街」。
記者：伍雅謙
黃泥涌道由禮頓道交界至近體育道的一段，在七八十年代有鞋街之稱，高峯時期街上有10多間鞋店，以訂造鞋子揚名，吸引不少名人、遊客光顧，旅遊書也有介紹。
1975年在黃泥涌道開業的琦琦鞋店，老闆伍松富說初時這街很少鞋舖，反而傢俬店很多；隨着手造鞋的成功，同行爭相仿傚，街上鞋店也越開越多。
陳方安生曾經光顧
往日琦琦的客人多具經濟能力，包括政府高官、名人及山頂客。鄧蓮如、陳方安生都曾經光顧，名媛華慧娜更是數十年老主顧。
華慧娜對《蘋果》說：「佢啲鞋着得好舒服，出面嘅名牌鞋反而着得我好唔舒服」。她表示每次必定訂製一整套手袋連鞋子，特別喜歡選用鱷魚皮及鴕鳥皮。「手袋同鞋我一定要襯埋成套同色，有時買咗個手袋冇鞋襯，就會去琦琦度訂，啱啱先訂咗30幾對鞋」。
放鞋櫥窗變放盤紙
轉瞬間已歷37個年頭，伍老闆見證着跑馬地區的變化，「睇住馬路嘅車越嚟越多，區內豪宅禮頓山一座座咁起」。
「97之後條街嘅鞋舖一間一間結束，到家就剩番我一間」。去年還有另一家鞋舖的。伍老闆看着街上原本放鞋的櫥窗換成放盤紙，不勝欷歔。他走出鞋舖，指着左右兩邊地產舖說：「你睇吓地產幾畸形，左邊係利嘉閣，右邊又係利嘉閣」。短短一截街道，已反映香港市場生態。「地產蓬勃冇辦法，市場係咁樣，大食細。人哋做一單生意就夠，成千萬上落，我哋邊有得比」。
琦琦業績雖年年有增長，惟若非良心業主沒大幅加租，也難以支撐。「人與人之間好奇妙，人哋有一定宗旨，唔一定係睇附近舖頭值幾多錢就跟住加」。
現時該店面積1,300方呎，月租僅數萬元。該區地產代理指，該舖租值起碼逾10萬元，「對面係馬會、木球會同足球會三大會所，好多人流，又方便去唔同嘅地方，港島所有豪宅新盤都會喺個度推銷」，是地產代理「必爭之地」。