新鮮出爐英軍新帥鶴臣，之前帶領西布朗喺今季英超表現可謂對晒辦，查實有好多球迷都好唔捨得鶴臣離開球隊。日前一位83歲嘅西布朗忠實老球迷（圖），就為鶴臣送上祝福便條，希望佢可以帶領英格蘭取得成功，仲盛讚鶴臣係一位風度翩翩嘅紳士，而鶴臣更送咗件佢平時帶西布朗比賽時所着嘅外套答謝佢㖭。