前車路士箭頭安歷卡（圖），之前做咗上海申花嘅球員兼教練，不過近日有指呢位法國球星喺申花經已失勢，仲同球隊關係搞到鬼咁惡劣，申花方面更已確認將會搵嚟前阿根廷國家隊教頭兼名宿巴迪斯達接掌球隊。之前安歷卡話會誠邀前車仔拍檔杜奧巴加盟，不過家傳安歷卡會閃電式離開申花，咁睇嚟杜奧巴轉會申花一事都會凍過水。