校巴服務將於9月新學年大幅加價，家長自然叫苦連天。東區家長教師會聯會主席趙明批評，業界加價兩至三成，加幅偏高；他擔心引發連鎖效應，學校膳食及校服等費用也相繼加價，對家長造成沉重負擔。
趙明的幼女現就讀小六，每天搭校巴由杏花邨寓所到西灣河上學，月費400元，每次要交兩個月車費，他不諱言：「校巴公司喺呢個學年，車費已經加咗幾十蚊；話就話囡囡坐校車返學，但都未必日日坐得足，好多時學校有活動，都要提早返學。」
怕「一條龍」加價
他擔心校巴加價後，其他方面的收費有樣學樣：「好似啱啱先話書簿費會加，家校巴車費又加，遲啲學校膳食同校服費之類，必定會『一條龍』咁加價……，加加埋埋，家長就好大負擔。」他的女兒新學年升讀中一，但為方便仍會選搭校巴，並形容校巴加價仍要「焗住搭」。
《蘋果》記者