【特寫】首屆中學文憑試英文科「閱讀」卷一條桌上遊戲（Boardgames）問題，考起唔少考生。尤其是現今青少年生活離不開Facebook、WhatsApp、打機，不少更成為宅男、宅女。有機構卻反其道而行，大推懷舊遊戲如玩花繩、放飛機、東南西北及拋豆袋等，將青少年從網絡虛擬世界拉回真實世界。
阿俊現年13歲，終日沉迷打機及上網，其54歲父親郭先生十分頭痛：「我唔識電腦同打機，同阿仔冇話題，佢平日好少講嘢，唔知遇到問題識唔識應付」。他因與妻離異身兼母職，從事物流工作平日很夜收工，兩父子近乎零溝通。
19歲副學士生軒仔曾是「電腦撈飯族」，父母雙職，自小由爺爺照顧，自中一家中添置電腦便沉迷打機。「爺爺年紀大咗精神唔好，有問題就上網搵人問，我本來性格比較怕羞，朋友唔多，日日靠打機上網解悶，好怕同人面對面傾偈，有乜事都收埋喺個心」。
「家同阿爸好似朋友咁」
救世軍竹園綜合服務隊助理高級主任梁寶琼稱，沉迷虛擬世界的青少年習慣用鍵盤、指令及密碼應付網上難題，缺少與真人交流的社交技巧和經驗，回到真實生活中遇上學業或交友困難時便不懂應付，透過玩傳統遊戲，針對6至18歲兒童、青年及家庭，重新學習溝通和相處技巧。
該中心挑選了50款兒時玩意，印製成紙卡，並訓練超過400名義工拯救沉淪網海的高小學生及青少年，讓父母與子女可以一齊玩建立親子關係。該會印製500套，可供市民免費索取，該會電話：23515321。
此外，香港聖公會馬鞍山青少年綜合服務近年則推廣桌上遊戲，讓青少年在遊戲過程中學習多角度思考，並讓父母與子女增加接觸及溝通機會。
該會社工周詠禧指出，沉迷電腦的青少年大多缺乏家人陪伴，以為只靠自已便會贏，「網絡永遠會有即時反應，變成好容易同陌生人傾吐心事，打機過關就得到成就感，容易沉迷」。
郭先生便藉着桌上遊戲，與兒子重建關係，「我同佢組成一隊，唔識玩佢教我。佢贏咗會好有滿足感，佢輸嘅話我會安慰佢，大家多咗溝通，關係好咗好多」。阿俊也笑說：「家同阿爸好似朋友咁，每星期都一齊玩桌上遊戲。走出虛擬世界，覺得自己開朗同自信咗」。