唔知幾時開始，阿仙奴變到咁重口味。早排佢哋搞咗個畀7至12歲小朋友喺阿聯酋球場露營嘅計劃，仲搵咗陣中嘅德國後衞梅迪薩卡，同埋科特迪瓦前鋒謝雲奴嚟做宣傳（圖），但弊在要佢哋兩個扮cute，望落真係令人毛管棟。查實兵工廠有好適合嘅人選，咪係下半季以借將身份返俄超辛尼特效力嘅俄羅斯前鋒艾沙維。點解？因為佢夠晒童顏囉！