劉浩龍（師兄）一連兩場於壽臣劇院舉行的「劉浩龍小音樂會」前晚圓滿結束，謝霆鋒、陳奕迅、梁漢文及蘇永康等撐場，師兄感動得多次落淚。前晚師兄除繼續跟前女友鄭融合唱，還找來蘇永康為自己頒「小演員獎」，豈料康仔上台即踩無綫：「七、八年前你加入電視廣播城，當時你同我講好唔開心，人工又少。」師兄指擔心康仔得罪人，但康仔謂：「怕乜？我又冇簽佢，佢又出唔起錢！當時佢哋簽咗你之後只叫你做清兵，等成日只出一鏡，你家爭氣喇，拍咗咁多戲，人哋搵錢都少過你。」
與鄭融保持友好
問師兄是否欲翻撻鄭融才找她任嘉賓？他說：「大家係好朋友，我哋好乾淨。」師兄又相信鄭融現任男友不會呷醋。
採訪：胡比
