劉定成言之鑿鑿指曾替陳偉霆（William）和羅仲謙拍照，William昨日到將軍澳電視廣播城為無綫節目《萬眾同心公益金》拜神，他自覺無辜被拖落水，最反感是劉指認識其家人，他說：「我問過屋企人都話唔識佢，公司有send過佢張相我睇，但我都冇印象。」
力保女友阿Sa
William表示從沒着三角泳褲影相，他說：「行fashion騷都只係滑水褲，喺我陳偉霆字典裏面冇影過呢啲不雅相。」問到女友蔡卓妍（阿Sa）是否很擔心？他說：「唔想呢單新聞牽涉另一半。」對於被劉讚青春可愛，他唞大氣說：「我唔識答你，唔想評論，sorry。」他謂保留法律追究權利。
羅仲謙昨日為新劇《巴不得媽媽》開工，堅決否認曾替劉定成拍照，也不想再就對方言論給任何意見，他說：「要講都講晒，唔會畀任何意見，印象中唔識佢（劉定成）。」儘管被劉定成讚成熟靚仔，羅仲謙對此均表示沒意見，並強調無論工作以至私人生活，都沒有拍過任何全裸照。
江若琳撐無辜
另外，鄺美雲、洪卓立和江若琳昨日在灣仔出席慈善活動，江若琳和洪卓立均不信陳偉霆和羅仲謙曾替富商影相，江若琳說：「佢哋都係錫身嘅人，有條件露上身，下身就唔知，但我信佢哋講嘅嘢，應該唔會咁做。」
同場的洪卓立更指若遇上有人誘影這些相或被性騷擾，一定會報警。提到有音樂人涉嫌強姦女藝人，鄺美雲說：「孤男寡女要避忌，同埋未必要飲酒。」
採訪、攝影：
吳愛、卓寶花