利物浦辭退杜格利殊，連日物色新帥人選都未有聲氣，球會唔知係咪當選帥等如揀我最喜愛的男歌手，竟然喺官方Twitter出段留言，問球迷「你想邊個去接替杜格利殊擔任領隊？」留言一出即刻惹來非議，球會隨即將佢刪除，之後解釋話事件純屬誤會。紅軍先後斟過馬天尼斯同羅渣士都冇下文，據講已經將目標轉移向季中畀車路士炒魷嘅波亞斯。