有線娛樂台前主播余思敏去年七月為老公鄭中基誕下可愛女兒Emma，雖然寶貝女現時未夠一歲，但兩公婆已心急為女兒四處找名校報讀學前班。
前日下午三時半，鄭中基揸車現身陽明山莊，兜了一輪，終於停在陽明山莊的柏基國際幼稚園門前，因為正值放學時間，學校門前排長龍，不少家長排隊接放學，兩人守秩序地排在龍尾等候，不過兩人進入幼稚園五分鐘便離開，估計是幫女兒攞入學章程，準備為女兒報讀學前班。
唔心急擺酒
余思敏昨日到商台接受訪問，被問到老公鄭中基當年如何追求時，她表示鄭中基曾經親手煮即食麪給她吃，令她十分感動。雖然余思敏與鄭中基已註冊，但未正式擺酒，對此余思敏說：「因為囡囡得10個月大，想佢大個啲可以遞戒指畀我哋先搞，而且我都唔急。」提到下月的父親節，余思敏指鄭中基未知能否回港慶祝。
另外，余思敏在節目中承認正為女兒報學校，不過她後悔地說：「我哋太遲幫個女報名，同朋友傾偈至知道，好多家長喺子女兩個月大已經搵學校報名，話我哋等到個女10個月大，太遲喇，不過我哋都有喺屋企同佢玩認字卡。」
採訪、攝影：楊浩賢、梁繼光、王崇穎
