「1哥」西班牙認真識搵錢！教練迪保斯基前排公佈咗21人初選名單，但未包括畢爾包、車路士同巴塞隆拿嘅球員。嚟緊星期二，佢就會帶住呢21個球員去奧地利嘅施倫斯集訓一星期，期間會有5節公開操練，歡迎球迷入場，不過唔該每人放低10蚊歐元（約99港元）先。又冇沙維、又冇費托，球星少咁截，都仲要收入場費掠水，唔通西班牙真係咁等錢使！