阿仙奴中場希望韋舒亞（圖），因為腳踭受傷搞到過去一季都一直養傷，之前球會方面話佢就快好番晒可以喺下季復出，點知日前又話佢再要接受膝部小手術。兵工廠依然堅持韋舒亞可以喺下季亮相，但年紀輕輕對腳已經捱咁多刀，真係擔心佢仲可唔可以踢番最高水準。另外，另一廠仔禾確特正喺度備戰歐國盃決賽周，但佢爸爸同大佬都唔打算親身去烏克蘭打氣，話怕喺嗰邊會受到種族歧視。