高志森近日在亞視主持節目《高志森微博》，大忙人為何會幫亞視做節目？他日前接受訪問說：「我要搵個平台講文化，提升大家藝術文化水平，剛剛王晶又搵我傾偈，問我有乜搞作，咁有個平台，又可以畀我講我想講嘅嘢，何樂而不為呢？仲要個節目可以喺黃金時段播出，唔好理佢有幾多收視，總會有人睇到。」
請焦媛嫌核突
在節目內，高志森請來不同界別的人探討文化，以不同角度和手法了解我們的文化，他說：「所以我唔係要請明星上嚟講呢個圈，政界嘅人我都會請，梁振英我都會請，就算係請藝人，都唔係專訪咁做，會用唔同手法包裝。」
高志森是舞台劇班主，難免會公器私用，他說：「咁我梗係會請有關舞台劇嘅人上嚟啦，舞台劇係香港重要文化產物之一。」焦媛是香港舞台劇佼佼者，會否請女友上來？他說：「唔好啩，好核突，我訪問佢觀眾都唔想睇啦！」
採訪：楊潔雯
攝影：陳俊強