區文詩前晚喺中環出席酒吧活動，講到女藝人懷疑喺錄音室俾人強姦件事，區文詩話：「我同錄音室老闆算係有幾面之緣，我都有送新碟畀佢。睇到呢單新聞都嚇咗一跳，真係好難想像，我覺得佢係一個好nice同好正常嘅人，不過呢件事太複雜，所以唔方便評論。」區文詩跟住仲自爆試過喺合照嗰陣俾人鹹豬手，好彩佢覺得唔對路醒水避開。