喀麥隆名將米拿（圖）喺90年世盃決賽周以38歲之齡打破最老球員入球紀錄，佢入波後大跳扭腰舞嘅情景相信唔少球迷都仲記憶猶新。聽日係米拿60歲生日，不過佢啱啱喺星期三俾喀麥隆足總炒魷，冇得繼續做足總榮譽主席。事緣係米拿對於足總堅持長期將伊度奧停賽，及後無緣打入明年嘅非洲國家盃決賽周非常不滿，公開抨擊足總高層之後就冇得撈。